It's a Miracle!
Ég er að fara á tónleika/ball með Queen cover/tribute bandinu Miracle. Ég sá þá á Broadway í fyrra. Þeir eru frábærir. Ég vona að það sé ekki of mikil röð á Players. Og ég vona að Hinn Íslenski Queen klúbbur sé ekki þar. Því í alvöru... fólkið í þeim klúbbi (þeir sem ég rakst á í fyrra) eru þvílíkir leiðinda plebbar. Við Guðrún rákumst á einn almennilegan Queen aðdáanda, allir hinir sem við hittum voru asnar. Já nema konurnar sem við sátum með á borði líka. Þær voru ágætar.
Septemberfílingur
Þessir dagar líða hratt og áður en maður veit ef er komið haust. Úti er rok og rigning, eins og venja er í Reykjavík á öllum árstíðum, en einhvern veginn finnst manni alltaf vera haustveður þegar himininn er grár og úti og rigning&rok.
En mikið ofsalega er gaman að vera byrjaður aftur skólanum. Eftir margra ára strit er loksins farið að glitta í ljósið í hinum enda gangnanna.. BA gráða eftir tæpt ár. Það er ferlega súrrealískt. Ég sé svo sem ekkert fram á frægð og frama þegar ég er komin með BA gráðuna, enda er það bara fyrsti áfanginn á leiðinni til æðri menntunar. Ég ætla mér amk að ná masters gráðu í einhverju formi og helst líka MPaed gráðu, sem fæst þegar maður tekur kennslufræði í sagnfræði. Þá er maður nokkuð vel settur og getur vonandi farið að koma undir sig fótunum eftir að hafa verið með um 75 þús á mánuði í námslán og lifað á vatni og brauði.. (hóst!)
Mér sýnist að ætlunarverki mínu verði brátt lokið, eftir 6 mánaða tuð, að fá hann Vilhjálm til að hætta að reykja. Hann jórtar nú samviskusamlega á nikótín tyggjói og reykir mikið minna en hálfan pakka á dag, mikið er ég glöð yfir því. Þó held ég að áðurnefndir vindar og rigningar spili einhvern þátt í þessari þróun, þar sem það er auðvitað mikið þægilegra að sitja inni í sófa og smjatta á tyggjói en að húka úti á svölum í nöpru veðri og anda að sér daunillum reyk.
