So much ado about nothing

Same Shit?

Þessa mynd fékk ég fyrir nokkru frá einum Bush-"aðdáanda".. hún segir allt sem segja þarf.. kannski aðeins of seint samt.

posted by Sigrún @ 11/28/2004 01:56:00 f.h. 0 comments

Skólaslór

Eitt af fórnarlömbum Vesúvíusar í Pompeii 79 e. Kr.

Ég er að læra fornleifafræði ásamt sagnfræðinni... Ætli ég muni nokkurn tímann fá tækifæri til að rannsaka eitthvað jafn spennandi og þetta...? Well, ég vona það...
Ég á auðvitað ekki að vera að blogga, heldur einmitt að gera verkefni í fornleifafræði... en auðvitað er ég ekki að því.. Þetta er einmitt málið, einmitt þegar maður á að vera að gera eitthvað mikilvægt, þá finnur maður sig knúinn til að gera eitthvað allt annað sem skiptir engu máli...furðulegt..

posted by Sigrún @ 11/26/2004 05:01:00 e.h. 2 comments

Smá tribute

1984


Þetta var eina leiðin til að fá myndir til að birtast á síðunni hjá mér.. að setja þær í marga pósta.. það verður bara að hafa það ;)

posted by Sigrún @ 11/25/2004 01:32:00 f.h. 0 comments

1974 

posted by Sigrún @ 11/25/2004 01:32:00 f.h. 0 comments

In Memorian 

posted by Sigrún @ 11/25/2004 01:29:00 f.h. 0 comments

Freddie lifi

Ég vil nota tækifærið og minnast þess að í dag eru 13 ár síðan að Freddie Mercury, söngvari Queen, lést af völdum alnæmis.

posted by Sigrún @ 11/24/2004 08:11:00 e.h. 2 comments

String Emil

Þetta rakst ég á á b2.is ... (klikkið á titilinn)
Hef ekki hlegið jafn mikið í langan tíma...
Ég væri ekki hissa þó þetta væri í fúlustu alvöru.. Þjóðverjar standa alltaf fyrir sínu. Núna vantar bara Dieter...

posted by Sigrún @ 11/23/2004 08:58:00 e.h. 5 comments

Bachelors sem drekka Knorr

Bollasúpur eru ágætis uppfinning fyrir okkur fátæku einhleypingana. Ég hef lítið verið að neyta þessarar voru undanfarin ár, þar sem ég hef verið einhleypingur í heimahúsi, og því hluti af heimilishaldi. Já það voru gömlu góðu dagarnir.. En núna er bollasúpan orðin stór hluti í neysluvenjum mínum.
Mikið fjandi er erfitt að kaupa inn fyrir eina manneskju! Ef maður ætlar ekki að eyða stórfé í innkaup, þá fer maður væntanlega í ódýarari matvöruverslanir eins og Bónus. En Bónus er auðvitað með vörur í þvílíkum multipakkningum að halda mætti að hin íslenska kjarnafjölskylda samanstandi af meira en 10 meðlimum. Brauðin eru auðvitað aðeins seld í kílóavís og klósettpappírinn í tylftum.. maður þarf því að dröslast heim með 18 klósettrúllur sem duga fram í mars og taka upp allt plássið á baðinu og brauð sem verður að henda 2/3 af eftir nokkra daga því að það kemst ekki allt inní frysti. Annar möguleiki er auðvitað að versla í hinum búðunum.. 10/11 og Nóatúni og því... en aftur á móti eru þær 20% dýrari. Hvers eigum við einhleypu greyin að gjalda? Ekki nóg með að maður þurfi að hanga einn heilu og hálfu dagana, við þurfum líka að gjalda þess að vera ein. Maður sér aldrei nein tilboð handa einni manneskju! Að panta sér take away og fá sent heim til dæmis.. "Aðeins afgreitt fyrir 2 eða fleiri", þegar maður pantar sér pizzu í heimsendingu "Sendum aðeins heim fyrir 1500 eða meira", maður verður étandi pizzu í öll mál í 2 daga eftir! Ef það er 2 fyrir 1 einhversstaðar í bíó, þá er geturðu sko bölvað þér upp á það að þú færð ekki 50% afslátt sért þú einn.. þó þú borgir með einhverju töfrakortinu..
Já, þetta var pirringur vikunnar.. Mér er sko par sama um pör!

This kettle is boiling over.
I think I'm a banana tree.
Oh, dear...

posted by Sigrún @ 11/23/2004 02:27:00 f.h. 0 comments

Beggars can't be choosers

Ég hef verið að velta þessu fyrir mér.. Er á einhverjum tímapunkti í lífinu þannig fyrir manni komið að maður veit að manns "finest hour" er liðinn? Hvað ætli mörgum líði svoleiðis? Að allt sem maður gerir hér eftir muni aldrei standast samanburð við fyrri tíð? Verður maður ekki alltaf að horfa á björtu hliðarnar og leggja meira og meira á sig til að uppskera sveita síns erfiðis? Verður maður ekki alltaf að hafa einhvern hvata, einhverja umbun? Er okkar tilvera ekki öll byggð á því að hafa það betra í dag en í gær? Vill einhver hafa það verra í dag en í gær? Efast einhvern veginn um að það séu margir í þeim sporum..
Þetta hljómar leiðinlega......
Well ég er að minnsta kosti orðin syfjuð.
Hah, bjarta hliðin! Jibbí!
Well, brightside this..

posted by Sigrún @ 11/22/2004 03:09:00 f.h. 1 comments

Bring it back

Ég vona að dyggir lesendur mínir séu ekki búnir að gefa mig uppá bátinn, því ég var nú bara í smá fríi, eins og mér er tamt þegar ég hef annað og meira til að hugsa um.
En hvað um það. Það hefur ekki mikið gerst þessar undanfarnar vikur sem ég get kvartað yfir.. jú nema kannski auðvitað kosningarnar í Bandaríkjunum, en það eru allir röflandi yfir þeim, þannig að ég ætla að prófa annað. Frábært að Bush hafi verið endurkjörinn! Loksins fær hann nóg speis til að sprengja alla þessa klikkuðu múslima í loft upp! Við verðum að vernda okkar ameríska lífsstíl! Ég meina, fight fire with fire! Það er líka hvort eð er alltof mikið af fólki í heiminum, þetta spornar ágætlega við fólksfjölgun og svoleiðis stöffi. Og byssur.. hver vill ekki eiga byssur? Charlton Heston á fullt af þeim.. og hann var Móses, svoleiðis kallar verða ekki elliærir ofstækismenn, neiheits! Gifting samkynhneigðra, ég meina krakkar; það stendur í Biblíunni að það má ekki! ..er það ekki annars? Biblían er auðvitað sú bók sem allir eiga að fara eftir.. hverjum er ekki sama þótt hún sé margra alda gömul? Gömul lög detta ekkert úr gildi eins og ekkert sé. Förum við ekki enn eftir Jónsbók og því öllu? Við ættum kannski að taka upp stefnu Bandaríkjamanna í fóstureyðingum og nota gömlu lögin á þetta lið! Drekkja þeim í Drekkingarhyl. Og kannski líka að setja vistarbandið aftur á, þá er hægt að hafa hemil á þessum sívælandi verkalýð(kennarana líka).. Afturhvarf til gamla tímans, people, það er sko málið.. verum eins og Bandaríkin og verum dáldið retro, það er inn í dag!

posted by Sigrún @ 11/16/2004 02:03:00 e.h. 0 comments