Millihátíðaþankar
Þetta er nú meiri tíminn..: Éta, sofa, glápa/éta, sofa... Alveg frábært hreint!Það verður nú undarlegt að koma aftur í Borg Spillingarinnar og reyna að stunda þennan venjulega 24 tíma sólarhring... vakna fyrir hádegi helst og koma sér í tíma í Árnagarði, sem er aðeins um 5 mínútur í burtu, en samt oft æði erfitt að drattast þangað. En núna þegar nýtt ár fer að renna í garð, árið sem ég verð tvítug í 7. sinn, ætlar maður nú að fara að taka sig almennilega á og fara að lifa eins og alvöru akademískur námsmaður... je, við skulum sjá hversu lengi það endist.. Einhverjir sem vilja giska?
Eníhá, þá verða áramótin í Bæ Dauðans bara með smærra sniðinu í þetta skiptið, meira að segja annað skiptið í röð, þar sem aðaldjammið fyrir okkur "gamla" fólkið er alltaf þann 26. des. Maður verður bara heima, horfir á-að öllum líkindum lélegt- áramótaskaup, fylgist með nágrönnunum sprengja alla peningana sína í loft upp, og reynir að sprengja eina aumingjalega rakettu sem skýst alltaf uppá húsþak hjá nágrannanum, þar sem pabbi vill aldrei kaupa flugelda fyrir meira en 5 þúsundkall (því að veðurspáin er alltaf slæm... humm humm)
En jæja...
Gleðileg áramót og allt heila pakkið.
Dj-Shit strengir sitt áramótaheit: Ötulla blogg á nýju ári.
Sprengið heil, Auf Wiedersehen.
posted by Sigrún @ 12/30/2004 06:24:00 e.h.
0 comments
