So much ado about nothing

Ég sá í gær nýjasta þáttinn á Skjá Einum, þ.e. Landsins Snjallasti.. Þar voru kennarar kvaddir til leiks og látnir leysa ýmsar þrautir og svara spurningum sem kennarar eiga að hafa á hreinu. Ég verð nú bara að segja það að ég er nokkuð hissa á því að fólk(og kennarar í þokkabót!) viti ekki að konan sem var forsætisráðherraefni Samfylkingar héti Ingibjörg! En það er ekki fáviska þessara kennara sem kom mér mest á óvart, heldur kynnarnir. Hvar í ósköpunum grófu Skjás menn upp þetta fólk?!? Gaurinn, sem virðist hvorki geta talað rétt né borið rétt fram einstök orð, hvort sem þau eru á íslensku, ensku eða öðrum málum, er eins og illa gerður hluturá skjánum og virðist varla vita hvernig hann á að hegða sér. Í stað þess að nefna keppendur með nafni þegar hann spyr þá segir hann: : "jæja, nú skulum við spyrja þig..." og myndavélakallarnir vita ekkert hvert þeir eiga að beina myndavélinni... Gellan sem er svo með þessum vesalings gaur (co-host eins og maður segir á engelskunni) í þessum þáttum hefur greinilega ekki fengið þessa stöðu út á vitsmuni eða hæfileika..auðvitað ekki, það skiptir sko engu máli svo lengi sem hún er sæt... Hún er þarna klædd í einhvers konar "aðstoðarmanneskjatöframannsins-föt" og ráfar meðal keppendanna og sprengir blöðrur og fleira "skemmtilegt".. Þetta á kannski að vera einhvers konar töframanns-þema í þessum þætti, blandað saman við spurningaleik.. En vá, þvílíkt allsherjarklúður. Ég er viss um að kennaragreyin sem voru plötuð í þennan þátt séu hálf hundsleg þessa dagana...
Enn er það Popppunktur sem er langbestur af íslensku efni á Skjánum. Þar er ekkert af þessu bjánalega staðalpakki sem er farið að verða allt of áberandi í íslenskum fjölmiðlum. Punkturinn lifi.

posted by Sigrún @ 2/18/2004 02:21:00 e.h.