Í tilefni afmælis "elskulegs" forsætisráðherra vors:
Til hamingju með daginn Hr. Davíð. Vildi að ég væri jafn "réttsýn" og þú....
Ég er komin með nóg af staðaltýpum.
Og þessum kröfum þjóðfélagsins að allir séu steyptir í sama mót. Við þurfum öll að vera eins til að vera eitthvað merkileg.. nema auðvitað þetta svaka "spes" lið sem gengur í gömlum gardínum sem það kaupir á uppsprengdu verði í þessum "spes" verslunum.. Alveg gæti maður ælt á þetta pakk.. Hvað er það sem gerir það svona "sérstakt"? Gömlu rósóttu gardínurnar sem það gengur í eða kannski það að þau skuli hafa efni á því að kaupa þessar gardínur á 15 földu verði?
Við erum orðin að þjóðfélagi sem er gegnumsýrt af heimskulegu pjatti.
Ef það birtist mynd af einhverjum Kláusi í Séð og Heyrt, þá er það nokkuð víst að hann sé orðinn "frægur"... Hverjum er ekki sama þó að Lubbi Lubbason, tannlæknir, sem er frændi Bjarkar í fjórða lið var á Astró um helgina eftir að hafa gert við skemmda tönn í Friðriki Weissesnicht..?? Ótrúlega bjánalegt þetta wannabe þotuliðssnobb.
Svo er það auðvitað útlitsfordómar landans.. Kona er ekki falleg nema hún sé yfir 170cm og 50 kíló eða minna... 14 ára stelpur vega flestar jafn mikið og þegar þær voru 5 ára..auk þess sem það þykir hallærislegt að vera hrein mey við fermingu... 8 ára stelpur eiga að ganga í g-streng svo þær séu ekki "hallærislegar" ...kyþokkafyllsti karlmaðurinn er rétt skriðinn yfir tvítugt og er aðallega valinn af gelgjum sem gera ekki annað en að horfa á popptíví og senda sms...á milli þess sem þær telja hitaeiningarnar sem þær borðuðu yfir daginn..
Fólk sem komið er yfir tvítugt á helst að eiga íbúð, vera í sambúð, búið að gjóta 1sinni eða 2svar, vera í framhaldsnámi, stunda líkamsrækt, eiga nýjan bíl og hafa samt tíma og fjarráð til að fara út að skemmta sér ca 2svar í mánuði og fara til Spánar á sumrin...
Hvað er það sem gerir okkur svona svakalega mikla neytendaþjóð..? Við gínum við öllum nýjungum og getum ekki flýtt okkur of mikið til að kaupa það nýjasta nýtt á markaðnum á undan öllum hinum...
Fyrsti kvenforsetinn í heiminum sem kosinn var með borgaralegri kosningu.. Hvort ætli fólk hafi kosið Vigdísi vegna eiginleika hennar eða bara af þvi að "djöfull væri það flott að vera fyrsta þjóðin til að fá lýræðislega kjörna konu sem forseta.."?
Fyrst til að viðurkenna sjálfstæði Eystrasaltsríkjanna... Jón Baldvin var búinn að því áður en meirihluti þjóðarinnar vissi hvar Eystrasaltsríkin voru staðsett... en allir vissu samt að við vorum Fyrst.
Eftir að hafa verið lítil bændaþjóð á litlu skeri lengst norður í Atlantshafi sem enginn vissi um í 1000 ár fengum við þetta netta stórmennskubrjálæði.. Með stríðinu og kapítalismanum ruddi vestrænn líffstíll sér rúms hérna á mettíma.. Það tók aðeins 20 ár að nánast leggja sjávarbyggðir landsins í eyði með stefnu ónefndra kapítalista.. svo ekki sé talað um landbúnaðinn...
Við erum eigingjörn þjóð sem stendur sjaldan saman. Allir eru í sínu horni og hugsa um eigin hag. Fólk kvartar yfir fátækt, kvótamálum, lélegu heilbrigðiskerfi, menntun.. en samt heldur það áfram að kjósa þetta yfir sig. Engar breytingar fyrir okkur, takk fyrir.. Við viljum frekar halda áfram að kjósa flokkinn hans pabba heldur en að taka sjálfstæða ákvörðun.
En málið er þetta: Ekkert breytist nema við tökum okkur til og breytum sjálf. Við eigum ekki að láta aðra um það.
posted by Sigrún @ 1/17/2004 05:48:00 e.h.
0 Comments:
Skrifa ummæli
<< Home