Algjörlega tilgangslaust
Eyrún, ég á eftir að ná mér niðri á þér fyrir þetta klukk!
1. Ég þarf að láta amk 3 vekjaraklukkur hringja til að ég vakni á morgnana.
2. Ég hef aldrei farið á sólarströnd (og þeir sem þekkja mig sjá það alveg á litarhættinum á mér...)
3. Mig dreymir um að vera kaffihúsarotta í París með Eiffelturninn í baksýn... og/eða brjálaður fornleifafræðingur við Miðjarðarhafið og í Egyptalandi. Helst allt ofantalið.
4. Ég HATA keðjubréf. Mér skítsama hversu hryllilegan dauðdaga ég mun upplifa ef ég sendi ekki þetta eða hitt keðjubréfið til ALLRA sem ég þekki innan 5 mínútna.. í ruslið með það!!! og þið sem sendið mér keðjubréf: Vinsamlegast ekki gera það aftur ef þið viljið að ég hugsi fallega til ykkar!!
...og að lokum:
5. Freddie er bestur!
...og þar sem ég hata allt svona drasl sem fer manna á milli, þá þvertek ég fyrir það að láta þetta ganga lengra!
Lifið heil.
Indiana Croft
Ég verð að viðurkenna það að mig hefur ekki mikið langað til að blogga undanfarið. Ástæða ókunn.. kannski vegna þess að maður hefur haft um annað að hugsa en blogg.. skólinn byrjaður og allt á fullu..
Kvöldið eftir að ég kom til Reykjavíkur skellti ég mér á tónleika með sómadrengjunum í Franz Ferdinand og skemmti mér líka alveg svona konunglega vel, alveg hreint mögnuð hljómsveit.
Fyrstu vikuna í skólanum kúldraðist ég svo uppi í Skálholti að læra að grafa upp fornleifar.. ég fann því miður engar hauskúpur, beinagrindur, fjársjóðskistur eða múmíur... en þetta var samt rosalega gaman, við vorum um 20 manns sem gistum öll í einhverjum skála þarna í Skálholti.. haha skáli í Skálholti (mikið er maður fyndinn í dag), og maður fékk svona sumarbúðastemninguna á ný, eins og þegar maður fór í sumarbúðir að Núpi í Dýrafirði hérna forðum daga. Blautur, kaldur og moldugur kom maður heim til Reykjavíkur í íbúð fulla af drasli sem átti eftir að ganga frá... en innan skamms var maður farinn að sakna múrskeiðarinnar og moldarpyttanna, þó svo maður væri allur útí sárum og blöðrum og með brotnar og skítugar neglur... klikkun? Einhvern tímann verð ég sko góð blanda af Indiana Jones og Löru Croft!
