So much ado about nothing

Föstudagskvöld á Ísafirði

Já loksins sný ég aftur!
Núna sit ég inní stofu með tölvuna í fanginu og hlusta á Bítlana á vínyl með pabba gamla. alveg ágætis endir á alveg hreint ágætis degi. Veðrið hefur verið með fínasta móti til tilbreytingar upp á síðkastið.
Ég fór í húsmæðraleik í dag og eldaði kvöldmat fyrir hyskið, spænskan baccalo rétt og tók svo til eftir matinn! Þetta get ég! hahah!
En já. Alltaf gaman að vinna með unglingum, merkilegt fólk upp til hópa. Oftar en ekki undarlegt gildismat hjá þeim.. Ég fékk einmitt tvær ungar stúlkur inn á skrifstofu hjá mér klukkan 9 í morgun sem spurðu hvort þær mættu fara heim af því þær vöktu til 4... Jáhá.. en auðvitað fengu þær ekkert að fara heim greyin, maður er nú svo mikill harðstjóri! En ég hleypti öllum heim aðeins fyrr í dag í tilefni þess að það væri föstudagur og ég í góðu skapi, þannig að ég vona að það allir séu sáttir...Tölvuleikir eru oftast aðal umræðuefnið hjá karlkyninu í þessum þjóðflokki unglinga.. War of warcraft er eitthvað sem er eitthvað voða mikið "inn" núna.. hef ekki hugmynd um hvað það snýst og efast um að ég gæti eitthvað í þeim leik.. einu leikirnir sem ég hef eitthvað fests í eru gömlu Sierra leikirnir.. Larry, Space Quest og Hero's Quest.. það eru sko alvöru leikir! Alls konar þrautir og maður þarf að pikka inn réttu skipanirnar. Larry reynir allt hvað hann getur til að fá konur í rúmið, en óheppnin eltir hann á röndum.. alveg dásamlega kaldhæðnir leikir. Allt í tvívídd og grafíkin gamaldags. Alveg yndislegt! Reminds me of a simpler time! En já.. það er svo sem ókei að spá í tölvuleikjum... en það er kannski einum of mikið þegar maður er farinn að sjá heiminn í stigum, borðum og levelum.... En hvað veit ég um það hvað framtíðum ber í skauti sér. kannski munum við bara lifa og hrærast í borðum/levelum og þvílíku. Menntaskólar og aðarar menntastofnanir munu kannski bara fella einingakerfið úr gildi.. "já, ég kláraði 3. borð í ensku en tapaði á 2. borði í þýsku of þarf að byrja upp á nýtt"- "jújú, hann kláraði öll borðin í lögfræðinni með fullt af aukalífum og fer því næst á Masters borð.." jájá, þetta verður stuð!


Game Over.
Replay Next Time.



p.s. Anna Sigga: ég sný aftur í borg óttans í lok ágúst. :)

posted by Sigrún @ 7/22/2005 10:47:00 e.h. 1 comments

It's raining cows and horses

Það ætlar hreinlega ekki að hætta að rigna. Það er bara eins og það sé haust þessa dagana, en ekki byrjun júlí. Fegin er ég að þurfa ekki að vinna úti við þessar aðstæður... fæ samt slatta af kvarti yfir kulda, bleytu o.s.frv... reyndar þarf ég minnst að höndla kvartanirnar þar sem flokkstjórarnir fá megnið af þeim.... "megum við fara heim?", "er komið kaffi?", "hvað er klukkan?"(eftir að hafa spurt 5 mínútum áður), "fæ ég laun ef ég fer núna?" "Núna má ég sópa, þessi er búinn að sópa í klukkutíma!!" eru oft vinsælar setningar. Þetta er fimmta sumarið sem ég starfa í vinnuskóla og það fjórða í Vinnuskóla Ísafjarðarbæjar, en ég er fyrst núna í yfirmannsdjobbi... kinda sad.. en já. þegar maður er í skóla er þetta fín vinna á sumrin.. gott að vera úti í góðu veðri og láta unglingana gera sig gráhærða.. annars eru þau bestu skinn, þó sumir eigi það stundum til með að kvarta, en maður tekur því bara sem hluta af gamaninu oftast.. maður man svo sem alveg sjálfur hvað þetta gat stundum verið leiðinlegt þegar maður var unglingur...
Well.. vona að veðurguðirnir fari nú að líta okkur mildari augum.. annars er líka kvartað yfir sólskini, þannig að það skiptir sosum ekki.. það væri bara ágætt að geta farið aðeins út í sólskinið til að fá smá lit í kinnarnar.. ómögulegt að vera allltaf á litinn eins og Drakúla..

posted by Sigrún @ 7/04/2005 07:30:00 e.h. 4 comments